गिनीज कलाकंडलम हेमलता

केरळ…

सध्या सर्वत्र केरळमधील भयानक स्थितीबाबत हेडलाईन्स पहायला मिळतायत. लवकरात लवकर तेथील लोकांचे जनजीवन पूर्ववत व्हावे ही इच्छा. 🙏

पण त्याच केरळमधील एका महिलेने कसे तिचे नाव गिनीज बुक ऑफ वर्ल्ड रिकॉर्ड मध्ये कोरले त्याविषयी थोडेसे…

कलाकंडलम हेमलता. ..

कदाचित हे नाव तुमच्यासाठी नवीनच असेल पण हेच नाव गिनीज बुक ऑफ वर्ल्ड रिकॉर्ड मध्ये आहे.

त्याचे कारण आणी त्यांच्याविषयी थोडीशी माहिती देण्याचा माझा एक प्रयत्न.

वयाच्या चौथ्या-पाचव्या वर्षीच त्यांना नृत्य शिकण्यासाठी एका नृत्य शाळेत टाकण्यात आले. त्यांच्या घरी कलांना वाव देणारे वातावरण होते. खासकरून नृत्य कलेला.

त्यासाठी त्यांनी १५ व्या वर्षी केरळ कलाकंडलम मध्ये प्रवेश घेतला.

भरतनाट्यम सोबतच त्यांना मोहिनीअट्टम ची सुद्धा आवड होती.

पण त्यावेळी बहुतेक त्यांनाही माहित नसेल याच नृत्य कलेमुळे त्यांचे नाव गिनीज बुक ऑफ वर्ल्ड रिकॉर्ड मध्ये पोहोचेल.

त्या मोहिनीअट्टम या नृत्य प्रकारात पारंगत झाल्या व दिनांक २० डिसेंबर ते २६ डिसेंबर २०१० असे सलग १२३ तास १५ मिनिटे सलग मोहिनीअट्टम नृत्य करून त्यांनी स्वतःचे नाव जागतिक पातळीवर पोहोचवले.

ज्यावेळी त्यांनी हा जागतिक विक्रम प्रस्थापित केला त्यावेळेस त्या बेशुद्ध होऊन पडल्या होत्या. पण सुदैवाने त्यांना लवकर हॉस्पिटलमध्ये दाखल करण्यात आले व त्यांना कोणतीही इजा झाली नाही.

ज्यावेळी त्यांनी हा विक्रम केला त्यावेळी त्यांचे वय ३७ वर्षे होते व त्या दोन मुलांच्या आई होत्या.

त्यांनी गिनीज रेकॉर्ड केल्यानंतर लोक त्यांना गिनीज कलाकंडलम हेमलता या नावाने ओळखू लागले.

हा रेकॉर्ड करण्यासाठी त्यांनी घेतलेल्या कष्टात त्यांच्या पतीचीही भुमिका खूप महत्वाची होती.

त्यांनी कलाकंडलम यांना दिवसाचे एक टाईमटेबलच बनवून दिले होते त्यानुसारच त्यांचा डाएट, डेली वर्कआउट, रनिंग होत असे.

त्या ज्यावेळी केरळमधील इतर भागांमध्ये फिरत असत तेव्हा त्यांना दिसून आले की, समाजातील खासकरून स्त्रीया आणि लहान मुलांमध्ये नृत्यकलेविषयी जास्त जागरूकता नाहीये. तेव्हा त्यांनी स्वतः एक नृत्य स्कूल चालू केले व प्रत्येक वयातील स्त्रीयांना तसेच मुलींना प्रशिक्षण द्यायला चालू केले.

कलाकंडलम हेमलता यांनी कोची मॅरेथॉन दरम्यान २८ दिवस ८०० किलोमीटर प्रवास केलाय.

#कलामंडलम_हेमलता #व्यक्तीविशेष

अशाप्रकारे स्वतःच्या कलेच्या आधारावर जागतिक पातळीवर देशाचे नाव पोहोचवणाऱ्या कलाकंडलम हेमलता यांना सलाम 🙏

(गिनीज बुक ऑफ वर्ल्ड रिकॉर्ड च्या नियमानुसार त्यांना दर तासाला ५ मिनिटांचा ब्रेक मिळत असे)